НОВИ САД – Пред нєшкайшу емисию „Добри вечар, Войводино” на 20 годзин, будзе емитована емисисия за дзеци „Дзецински швет”, з початком на 19,30 годзин.
Перша часц емисиї „Добри вечар, Войводино” будзе пошвецена розгварки о новим Совиту Месней заєднїци Руски Керестур, а у предлуженю будзе репортажа з госцованя КПД „Карпати” у Польскей на Фестивалу лемковскей култури „Лемковска ватра”. На концу будзе емитовани прилог о Вери Алеши – єдиней Рускинї у Старим Ґраду на Хвару.
По емисиї „Добри вечар, Войводино” на 21,30 г. будзе реприза нєдзельового ТВ Маґазину, док реприза нєшкайшей емисиї такой на ютре (пияток) вноци на 2 и дополадня на 9 годзин.