РУСКИ КЕРЕСТУР – Всоботу, 25. марца, на Автобускей станїци ошвижени ґрафит з надписом „Руски Керестур” и символом валалу – паприґу, хтори виробени 2011. року у рамикох Медзинародного волонтерского кампу „Лєто у Руским Керестуре”.
Акцию иницировал Владимир Чизмар з подприємства „Изґлед”, дакедишнї предсидатель Здруженя младих „Пакт Рутенорум”, а пори того подприємства, акцию потримали и други поднїмателє з Руского Керестура – тапетариї „Мая”, „Ковачевич”, „Комфорт”, „Еуро”, „Тина”, „Креативо”, „РЕН”, продукователє меблю „Хома”, „Клуб 10”, „Валент и Сале”, фарбара „Вортекс колор”, подприємство „Елком медиа” и бифе „Бомбай”, як и ЯКП „Руском” и Месна заєднїца Руски Керестур.
За тоту добордзечну акцию назберани коло 30 000 динари, з чого найвецей потрошене на спреї и друге цо було потребне за роботу. Як гварели уметнїки з Кули котри префарбели надпис, ґрафит би требало ошвижовац кажди пейц роки.
Роботи на ошвижованю ґрафиту тирвали коло седем годзини, а за тот час варена пасуля у котлїку за погосценє после мольби.