Пияток було гуманитарне змаганє за Наташу Ґайдош

автор апм
851 Опатрене

ВЕРБАС – Пияток, 30. марца, у Вербаше отримана гуманитарна акция за помоц Наташи Ґайдош хтору орґанизовали Канцелария за младих Вербас, у сотруднїцтве з Омладинским кошаркашским клубом „Вербас” и Дружтвом инвалидох Вербас.

Гуманитарне змаганє помедзи ОКК „Вербас” и КК „Топола” отримане у спортскей гали Центра за физичну културу „Драґо Йовович”, цена уходнїци була 100 динари, а назберане 43 тисячи 290 динари.

Шицки средства уплацени на Наташов рахунок, а координаторка Канцелариї за младих Єлена Антич з тей нагоди подзековала гражданом хтори пришли, алє и гевтим хтори дали пенєж а нє могли присц. 

ПОВЯЗАНИ ТЕКСТИ