ВЕРБАС – Министер привреди у Влади Сербиї Ґоран Кнежевич принєсол одлуку о розпорядку и хаснованю средствох за софинансованє єдинкох локалней самоуправи за виробок проєктно-технїчней документациї у 2018. року.
Єдна з 54 локалних самоуправох и городох хтори витворели право на потримовку и Општина Вербас, хторей за виробок идейного ришеня проєкту за будовательне допущенє и проєкту за вибудов канализациї вихаснованих водох у населєньох Бачке Добре Польо, Змаєво и Равно Село, на Южним краку, припадло милион 65 тисячи динари.
Тоти средства предвидзени зоз Законом о буджету Републики Сербиї за 2018. рок, у рамикох Програми порушованя ровномирного реґионалного розвою, у вкупним виносу од 143 милиони динари.