Права меншинох як фундамент прегваркох за членство у Европскей униї

автор тнґ/мар
890 Опатрене

НОВИ САД – Прилапйованє Резолуциї Европского парламенту (ЕП) о интеґрацийох Сербиї указало на ясну драгу по хторей наша жем ма исц у процесу придружованя ґу ЕУ, оценює у сообщеню Лиґа социялдемократох Войводини (ЛСВ), указуюци и же з Резолуцию поручене же автономию Войводини нє треба зменшовац.

ЛСВ як окреме важне наглашує же ЕП знова визначел мултиетнїчни, мултикултурални и мултиконфесийни характер Войводини, високи ступень защити меншинских правох у Покраїни и ясно поручел же автономию Войводини нє треба нїяк зменшовац.

З ЛСВ наглашую же ЕП вимага од Сербиї тварди ґаранциї за запровадзованє правного рамику за защиту меншинох, окреме у обласци образованя, приступу медийом и вирским обрядом на язикох меншинох, та адекватну заступеносц националних меншинох у политики на локалним, реґионалним и националним уровню.

– Ацийни план за витворйованє правох националних меншинох позитивна ствар, алє потребне и же би Фонд за национални меншини цо скорей постал функционални – наглашую з ЛСВ.

ПОВЯЗАНИ ТЕКСТИ