Предсидатель општини приял делеґацию миґрантох

автор влдї
1.1k Опатрене

ШИД – З нагоди Медзинародного дня миґрантох, предсидатель Општини Шид Предраґ Вукович приял нєшка делеґацию миґрантох зоз прилапююцих центрох „Адашевци” и „ Принциповец”.

Представнїки миґрантох поинформовали предсидателя Вуковича о стану у прилапююцих центрох, дзе дзепоєдни ту пребуваю и цали рок, и о їх намаганьох же би пошли до державох Европскей униї.

Констатоване же Сербия миґрантом оможлївела добре змесценє, костиранє и здравствену защиту и други права по медзинародних предписаньох, а предсидатель Општини достал и пригодни дарунки хтори витворели праве миґранти у своїх кампох.

Як сообщел предсидатель Вукович, хвильково у двох прилапююцих центрох у шидскей општини єст менєй як 500, а скорей на тим подручу було вецей як 2 000 миґранти.

migranti 1

ПОВЯЗАНИ ТЕКСТИ