БЕОҐРАД – Координацийней цело за родну ровноправносц Влади Сербиї, у сотруднїцтве з Етно-мрежу и НАЛЕД-ом, порушало инициятву за анґажованє тисяч женох у руралних подручох у наступним року на роботох вирабяня тардицийних ручних роботох за дїловни и дипломатски дарунки.
Инициятива послата дружтвено одвичательним компанийом, институцийом и амбасадом хтори з набавку ручних роботох за потреби репрезентациї можу допринєсц економскому змоцньованю женох и младих на валалє и очуваню културного нашлїдства нашей жеми.
З тоту инициятиву жада ше допринєсц зменшаню худобства, економскому змоцньованю и афирмациї улоги женох у локалней заєднїци и руралней економиї, гварела подпредсидателька Влади и предшедуюца Координацийоного цела за родну ровноправносц Зорана Михайлович, котра и покровитель Акциї Тисяч жени.
На шветочносци з тей нагоди у Скупштини Беоґраду представени и интернет-бок www.1000zena.rs, на хторим информациї о найкрасших ручних роботох зоз шицких крайох Сербиї и о предметох виробених з природних материялох у старих технїкох.