Реґресованє драгових трошкох за штредньошколцох

автор мар
963 Опатрене

КУЛА – Оддзелєнє за дружтвени дїялносци Општини Кула розписало Конкурс за реґресованє драгових трошкох за штредньошколцох, котри отворени од вчера 23. авґуста по 5. септембер. Вимоги котри буду поднєшени познєйше, достаню средства аж од наступного мешаца.

На часточне реґресованє драгових трошкох маю право штредньошколци зоз местом биваня у општини Кула, котри уписани до штреднєй школи звонка териториї општини Кула, а кед су уписани до порядней настави, кед каждодньово лєбо лєм през викенд хасную медзигородски превоз зоз општини Кула, на териториї АП Войводини лєбо до Беоґраду. Цалосне реґресованє драгових трошкох достаню школяре зоз загрожених катеґорийох жительства.

Средства видвоєни за период од 1. септембра по 22. децембер 2017. року, а виплацованє будзе предлужене и у другим полрочю кед за то Покраїнски секретарият за образованє одобри средства.

Школяре штреднїх школох чий снователь Општина Кула (Економско-тарґовецка школа у Кули, ШТШ „Мухайло Пупин” у Кули, Штредня школа зоз домом за школярох „Петро Кузмяк” у Руским Керестуре и Штредня фахова школа у Червинки), нє треба же би подношели вимоги, по 5. септембер школи доставя списки своїх школярох.

ПОВЯЗАНИ ТЕКСТИ