КОЦУР – У Коцуре почали пририхтованя за мото стретнуце котре ше, як и каждого року, отрима першого викенду у юнию.
Члени коцурского Мото клубу „Пеґасус” тих дньох пошвидшано ушорюю будинок и двор Клуба. Почали лїпиц стиропор на вонкашнї мури, а внєдзелю, у велькей роботней акциї, вибетонована тераса велькосци коло 80 квадратни метери. У роботней акциї участвовали 12 члени Клуба, а у дзепоєдних роботох им помогнул майстор Драґо Шиян.
По конєц мешаца, односно по мото стретнуце, у плану закончиц тоалети.
Материял за бетонованє тераси обезпечели члени Мото клуба „Пеґасус”, односно купени є од материялу котри заробени од прешлого мото стретнуца, а стиропор за фасаду обезпечела Месна заєднїца Коцур.
