НОВИ САД – Вчера у Новим Садзе СУБНОР у Доме войска означел Дзень ошлєбодзеня од фашизму, кед борци новосадского партизанского одряду ошлєбодзели город.
– Наймоцнєйше порученє котре посиламе то антифашизем як одреднїца наших дзецох, унучатох, праунучатох и будуцих ґенерацийох. Ми мушиме нашим дзецом у школох розтолковац хто и цо були їх предки – гварел предсидатель СУБНОР АП Войводини Светимир Атанацкович.
На пригодней програми шветочней академиї присутних привитал и предсидатель Скупштини городу Нового Саду Здравко Єлушич, котри здогаднул же пред 73 роками вдерени фундамент модерного Нового Саду.
– Тот дзень камень на меджи у розвою Нового Саду од мочвари котру людзе однїмали од моцней рики Дунай, та по тих котри бранєли зоз своїма животами тото найвреднєйше, а то шлєбода – гварел Єлушич.