ВЕРБАС – У Породзилїщу Общого шпиталю Вербас, першого дня 2018. року, народзени два беби. Мая Майор и Борис Скубан з Вербасу достали хлапца Серґея, а Кристина и Дюла Фаркаш з Руского Керестура достали дзивче Теодору.
Мами и беби добре, а дежурна екипа зоз Шпиталю винчовала фамелийом и пожадала щешлїви крачунски швета, и же би ше у новим року у вербаским Породзилїщу народзели цо вецей беби.