НОВИ САД – У остатнїм, пейдзешат другим тогорочним чишлє новинох „Руске слово”, у рубрики „Тижньовнїк” ше розпатра положенє меншинскей култури, а „Нашо места” информую о схадзки Рускей матки у Вербаше, Скупштини општини Шид и о културней подїї у Беоґрадзе у хторей представени Руснаци.
„Духовни живот” зазначел як преславени Крачун у парохиї св. Миколая у Руским Керестуре.
„Економия”, окрем актуалносцох у роботи Привредней комори Войводини, пише о продукциї риби у рибаловох у Руским Керестуре.
„Култура и просвита”, з нагоди 50-рочнїци прекладательней служби на покраїнским уровню, зазначує яки хвилькови стан у прекладательстве на руским язику, а рубрика „Людзе, роки, живот” читачох упознава зоз Патрицию Пастовнїцки зоз Торонта и зоз Мелания Кулич зоз Вербасу.
У рубрики „Спорт” зазначена Рочна скупштина Спортских бавискох „Яша Баков”, а мож пречитац и интересантни спортски живот Михайла Киша зоз Коцура.
У тим остатнїм чишлє новинох вишли два додатки – „Руске словечко” и „Литературне слово”, алє и дарунок нашим читачом – мурови календар за 2019. рок.
З информацию же перше число новинох у шлїдуюцим року видзе 11. януара, шицким нашим читачом жичиме щешлїви наиходзаци швета.