У роботньох миґрантох и наш Каритас

автор маф
1k Опатрене

ПРИНЦИПОВЕЦ – У роботньох за анимацию шлєбодного часу емиґрантох у центре у Принциповцу, хтори од юния орґанизовал Каритас Сербиї, участвую и представителє Каритасу нашого Апостолского еґзархату.

През роботнї ше миґрантом жада понукнуц хасновити активносци хтори им годни похасновац и у дальшим живоце. То насампредз важи за дзеци зоз хторима ше за тераз роби, а кед ше обезпечи просториї у миґрантским центре, Каритас роботнї планує и зоз старшима.

У проєкту спред нашого Каритасу у тей нєлєгкей роботи участвую и психолоґ Соня Виславски зоз Руского Керестура як аниматор, и координатор Каритасу Елемир Джуджар зоз Кули.

Така анимация миґрантох предвидзена по конєц рока, а єст випгляду же ше и предлужи, як Рутенпрес дознава од донєдавного директора Каритасу Сербиї о. Владислава Варґи. Проєкт потримує мрежа Каритасох Европи, а найвецей Каритас Нємецкей.

ПОВЯЗАНИ ТЕКСТИ