КУЛА – На ютре, 4. септембра, на 10 годзин у просторийох кулскей филияли Националней служби за обезпечованє роботи (НСЗ) будзе орґанизована розгварка зоз нєзанятима котри заинтересовани за роботу у кулским погону фабрики „Фиорано”, чийо отверанє наявене за октобер.
Компания „Фиорано” уж ма отворени погон продукциї у Зомборе, дзе єст тиж занятих зоз кулскей општини, а тераз поволує шицких заинтересованих же би пришли поднєсц прияву за роботу.
Спомнута компания ше занїма зоз продукцию и тарґовину текстилних материялох и продуктох, а отверанє кулского погону першобутно було наявйоване за други триместер того року.