ШИД – КПД „Иван Котляревски” зоз Бикичу пласовало ше на Зонску смотру музично-фолклорней творчосци, хтора 12. мая будзе отримана у Сримскей Митровици.
Окрем Бикичаньох у младшим возросту за хореоґрафию пласовало ше и Горватске КУД „Шид”, а за жридлову творчосц у младшим возросту ше пласовали СКУД „Єднота“ зоз Шиду и школяре ОШ „Сава Шуманович“ зоз Ердевику, односно їх Ансабл „Бренчки“.
У старшим возросту ше пласовали КУД „Филип Вишнїч“ зоз Вишнїчева и школяре ОШ „Сава Шуманович“ зоз Ердевику.
На Општинскей смотри хтора отримана прешлого пиятку, шицких учашнїкох провадзела и оценьовала Даяна Костич, хореоґраф зоз Старей Пазови.