ВЕРБАС – Вчера, 10. септембра, Здруженє гражданох Женски центер ,,Горизонт”, у сотруднїцтве зоз Color Media Communications, орґанизовалу интерактивну виставу ,,Особи з инвалидитетом котри меняли швет” на Площи Николи Пашича у Вербаше.
Велї визначни особи зоз инвалидитетом котри меняли швет, як цо то Рей Чарлс, Сара Бернар, Френклин Рузвелт, Фрида Кало, Стивен Гокинґ и други, представени на тей вистави.
У предходним периоду локална самоуправа робела на злєпшованю дружтвеного положеня особох зоз инвалидитетом, та так запровадзени проєкти дзе адаптовани пешацки преходи, потримани здруженя дзе ше сходза особи зоз гендикепом, а пошорени и їх просториї.
Вистава будзе поставена на Площи у центру Вербаса шлїдуюци дзешец днї, а орґанизаторе поволали шицких заинтересованих же би ю пришли опатриц.