БАЧКА ТОПОЛЯ – Министер за роботу, обезпечованє роботи, борецки и социялни питаня Александар Вулин и предсидатель Фондациї „Белави Дунай“ Шандор Еґереши подписали Протокол о сотруднїцтве, з хторим перши раз до орґанизациї Кампу толеранциї будзе уключена и Влада Републики Сербиї.
Од 26. юлия по 1. авґуст у Бачкей Тополї будзе отримани Дзевяти Камп толеранциї, на хторим млади з подунайских жемох буду бешедовац о актуалних дружтвених темох.
Того року окремна увага будзе пошвецена марґинализованим ґрупом, односно проблемом з хторима ше зочую Роми, особи з почежкосцами у розвою, вибеженци, малолїтни деликвенти и други занєдзбани ґрупи.