БЕОҐРАД – Министер за роботу, обезпечованє роботи, борецки и социялни питаня Александар Вулин виявел вчера же шицки пензионере у Сербиї, нєзависно од висини пензиї, у наступних дньох достаню єднократну помоц од 5 000 динари. Уплацованє пенєжу пензионером котри пензию доставаю на жиро-рахунок почина нєшка, а познєйше и тим котри пензию доставаю дому.
Госцуюцу на Радио-телевизиї Сербиї Вулин гварел же за тоту помоц держава видвоєла коло 8,5 милиярди динари.
– Помоц достаню хаснователє старосней, инвалидскей, фамелийней пензиї – коло 1,7 милиони пензионере, без огляду на висину їх пензийох – гварел министер, додаваюци же поштарину за доручованє пензийох на хижну адресу виплаци Фонд ПИО.