ВЕРБАС – Часц драги медзи Вербасом и Србобраном, од Т крижней драги на виходзе з Вербасу по ґузел на авто-драги, заварта за транспорт и надалєй. Плановане же би драга була заварта по 15. новембер.
Як наведзене у сообщеню, у роботи на бетонским мосту обачени очкодованя главних ношачох и векша поверхносц очкодованей арматури, а и други очкодованя пре хтори мост вецей нєбезпечни. Слово о очкодованьох котри ше зявели накнадно и нє були у проєкту. У догварки зоз надпатраюцим орґаном и представнїками инвеститорох, подполно звалєна верхня бетонска плоча моста.
По словох одвичательних, виробок новей бетонскей плочи вимага предлуженє роботох, а зоз тим ше предлужує и зоперанє транспорту на тей часци драги.