Идуцого пиятку у Керестуре лєтня журка на отвореним „Пакт он”

автор маз
841 Опатрене

РУСКИ КЕРЕСТУР – Лєтня журка на отвореним „Пакт он” будзе отримана на пияток, 24. юлия, на базену у Руским Керестуре, а у орґанизациї младих з „Пакту Рутенорум”.

Журка почнє на 21 годзин, на ткв. „Реґе стейджу”, з наступом новооснованей керестурскей ґрупи „Never mind”, а потим наступя и млади музичарки Александра Русковски и Марина Роман, як и тиж так новооснована ґрупа „Aqstars”. После тей музичней програми, нащивительох буду забавяц ди-джейове Бозне и Рокстер з „Drop sensei”.

Уход на журку безплатни, а финансийно ю потримую  Национални совит Руснацох и Месна заєднїца Руски Керестур.

После длугшого часу, Младежска нєвладова орґанизация „Пакт Рутенорум” ознова активна и то єй перша активносц у тим року.

Нєдавно ше до „Пакту” уключели и нови, млади члени, а як наглашую у тей орґанизациї, поволую и привитаю и шицких заинтересованих младих зоз шицких местох же би ше учленєли и уключели до активносцох „Пакту Рутенорум”.

 

ПОВЯЗАНИ ТЕКСТИ