ВЕРБАС – Вербаски парохиї вчера преславели Квитну нєдзелю, а на богослуженьох було вельке число вирних, котри после службох однєсли пошвецени багнїтки до своїх домох.
Як визначел старовербаски парох о. Алексий Гудак, дзень пред тим, на Лазарову соботу було вецей як 50 вельконоцни споведзи, а и на Квитну нєдзелю було вельо вецей вирних як звичайно.
Нововербаски парох о. Иґор Вовк у казанї визначел же тот тидзень треба озбильно дожиц и озбильно приступиц швету, Исусовому гробу на Вельки пияток и вихасновац тот час за покаянє грихох пред Исусом Христом и за молитви.
После Служби Божей у нововербаскей парохиї, попри дзелєня багнїткох було и мированє.
