НОВИ САД – Нови Сад вошол до узшого вибору за Младежску престолнїцу Европи за 2018. рок, а резултати буду познати у новембру. Прето младежски орґанизациї, орґанизациї за младих, проєктни тим и члени одборох за Младежску престолнїцу Европи предлужую кампаню же би ше дошло до жаданей титули. та отримали схадзку.
На схадзки пре утвердзованє дальших активносцох у тим напряме присуствовали и городоначалнїк Нового Саду Милош Вучевич, державни секретар у Министерстве младежи и спорту Ненад Боровчанин, покраїнски секретар за науку и технолоґийни розвой Владимир Попов и вивершни директор Еґзит фестивалу Душан Ковачевич, котри потримую кандидатуру Нового Саду и активносци младих.
– То барз важни проєкт за Город, а без огляду чи достанєме тоту титулу, вшелїяк доприношиме лєпшей слики о нашому городзе. Млади людзе нєобходни партнере Городу прето же маю енерґию, визию, знанє и способносц же би злєпшали ствари – гварел з тей нагоди городоначалнїк Вучевич.