ВЕРБАС – Национални совит (НС) чарногорскей националней меншини у Сербиї и Ґенерални конзулат Републики Чарней Гори у Сербиї ше порадзели же за потреби Чарногорцох и других согражданох у тей часци Войводини, у Вербаше буду обезпечовани конзуларни услуги.
Конзуларни дзень будзе кажди вовторок, праве од нєшка, 29. марца, а услуги буду давани у просторийох НС Чарногорцох у Вербаше, Маршала Тита 47, од 10 до 13 годзин.
Як стої у сообщеню, конзуларни услуги од службенїка Ґенералного конзулату заинтересовани гражданє достаню як и у шедзиску дипломатского представительства.