НОВИ САД – Заняти у Клинїчним центру Войводини (КЦВ) вовторок, 14. априла, од фамелийного подприємства зоз Нового Саду достали на дарунок 1 000 защитни визири, а по конєц тижня достаню ище 4 000.
До акциї були уключени шицки члени фамелиї Калич – од найстарших по наймладших. Сами направели машину за виробок защитних визирох, набавели материял и сами их продукую. Капацитет машини 20 000 визири дньово.
Наймладши члени фамелиї почали правиц защитни маски, дзецински, за своїх школских пайташох и так помогли на своєродни способ.