ВЕРБАС – Прешлого тижня Нагла служба вербаского Дому здравя „Велько Влахович” од Министерства здравя достала нову специялизовану превозку за транспорт здравствено загрожених пациєнтох.
Окрем Вербасу, таки дарунок достали доми здравя у ище 23 городох, а ключи превозки Вербащаном уручел министер здравя Златибор Лончар. Вон з тей нагоди визначел же тоти превозки опремени по найновших шветових стандардох, а як и скорейши, обезпечени су з потримовку Шветовей банки.