ВЕРБАС – У Вербаше наютре, 10. септембра, Здруженє гражданох Женски центер ,,Горизонт” у сотруднїцтве зоз Color Media Communications орґанизує интерактивну виставу ,,Особи з инвалидитетом котри меняли швет”.
У 2019. року вистава будзе поставена у 6 городох у Сербиї, а Вербас треци по шоре котри будзе домашнї. Шицки нащивителє буду мац нагоду информовац ше о познатих особох котри, гоч зоз озбильнима гендикепами, витирвали у своїх идейох и задумкох.
Як гварели орґанизаторе, вистава будзе на Площи Николи Пашича точно на поладнє.
Проєкт запровадзує компания Color Media Communications , з потримовку Министерства за роботу, занятосц, борецки и социялни питаня, Канцелариї за людски и меншински права и амбасадох страних державох у Беоґраду.