НОВИ САД – У Руским културним центре (РКЦ) у Новим Садзе нєшка, 30. октобра, будзе отримани дзешати Бал под масками з нагоди Ноци босоркох, хтори орґанизує Форум младих Рускей матки, у сотруднїцтве з РКЦ.
Журка почнє на 21 годзин, за добру атмосферу будзе задлужени ди-джей Марко Вулетич, а нащивителє за накреативнєйши маски достаню дарунки. Уход безплатни.
Бал под масками, як проєкт Форуму младих Рускей матки, финансийно потримує Роботне цело за младеж Националного совиту Руснацох.