ДЮРДЬОВ – На нєдзелю, 8. децембра опрез Рускей школи на главней улїци у Дюрдьове будзе святочне откриванє бисти нашого спортисти и олимпийца Дюрдьовчана Яши Бакова. По отвераню у просторийох Културно-уметнїцкого дружтва „Тарас Шевченко” будзе пригодна програма, як и приказованє краткого филма о спомнутим спортистови.
Святочне отверанє постаменту, котри вчера поставени, будзе на 14 годзин. Орґанизаторе и иницияторе тей подїї Културно-уметнїцкео дружтво „Тарас Шевченко” и Спортске здруженє Спортских бавискох „Яша Баков” поволую шицких заинтересованих же би пришли возвелїчац тоту значну подїю за шицких Руснацох.