Представителє Амбасади Турскей були у Вербаше

автор апм
772 Опатрене

ВЕРБАС – Представителє Амбасади Републики Турскей у Сербиї и Орґанизацийного одбору манифестациї „Сербия у ритму Европи” тих дньох нащивели Општину Вербас и упознали ше з можлївосцами запровадзованя рижних файтох сотруднїцтва.

У нащиви були совитнїк амбасадора Турскей у Сербиї Ведат Ґул и вивершни директор манифестациї „Сербия у ритму Европи” Иґор Карадаревич, а дочекали їх предсидатель Општини Вербас др Братислав Кажич и його заменїк Милан Ґлушац, зоз сотруднїками.

Др Кажич визначел же з вихаснована нагода на найлєпши способ представиц Вербас, як и привредни, културни, туристични и спортски потенцияли вербаскей општини.

Амбасадор Ведат Ґул з тей нагоди гварел же добре започати одношеня треба пестовац и розвивац. Окреме же сотруднїцтво иницировали дзеци през манифестацию „Сербия у ритме Европи”, єдней з найвекших и найпознатших манифестацийох забавно-змагательного характеру у Сербиї, хтору потримує 25 амбасади державох Европскей униї.

Под час пребуваня у Вербаше госци нащивели Музейну збирку Културного центру Вербас, Етно-клуб „Одняте од забуца” у Коцуре, Центер за физичну културу „Драґо Йовович” и други локациї.

ПОВЯЗАНИ ТЕКСТИ