РУСКИ КЕРЕСТУР – Медзинародне швето роботи, и того року, Керестурци преславели на уж добре познатих вилєтних местох: на базену, коло беґелю и озерку.
Слунечни дзень прицагнул солидне число Керестурцох рижних ґенерацийох, а за вецейдньове кампованє опредзелєли ше углавним млади, хтори ище пред Першим майом подзвигли шатри и пририхтали простор за кампованє.
Старши валалчанє швето роботи препровадзели у своїх обисцох, та тот нєроботни дзень вихасновали за друженє зоз найблїзшима.
