БЕОҐРАД – На Богоявлєнє, у Вишеґрадскей улїци у Беоґрадзе, у церкви св. Кирила и Методия, на Служби Божей и зоз пригодну програму означене Националне швето Руснацох.
Як гварела Олґица Радович Лендєр, на Служби Божей, хтору служел беоґрадско-банатски декан и парох беоґрадски, протоєрей ставрофор о. Владислав Варґа, було коло 40 особи.
После Богослуженя означованє Швета предлужене у окремней просториї у хторей були виложени сербски и руски застави, а у програми о. Владислав Варґа бешедовал о историї Руснацох. Тексти по руски читали Олґица Стаменич (народзена Канюх), Олґица Радович Лендєр и Александар Планкош, студент фармациї у Беоґрадзе, а по сербски Алекса Стаменич.
После програми було аґапе, друженє и шпиванє до позних годзинох, цо призначела и руска редакция РТВ.
