БЕОҐРАД – До програми обезпечованя роботи младим „Моя перша плаца” буду уключени 10.000 млади зоз штреднїм и високим образованьом, по 30 роки живота, котри без роботного искуства и котри ше находза на евиденциї нєзанятих Националней служби за обезпечованє роботи.
Як визначене, з тоту програму дава ше можлївосц младим без роботного искуства же би окончели праксу на роботох у роботодавательох и же би там здобули знаня, схопносци и компетенциї за роботу и же би на тот способ звекшали можлївосци за єй доставанє.
Програма „Моя перша плаца” тирва 9 мешаци, запровадзує ше у приватнїка або у явним секторе, а под час єй тирваня Национална служба виплацує пенєжне надполнєнє у мешачней суми од 20 тисячи динари младим зоз штреднїм образованьом и 24 тисячи динари младим зоз високим образованьом, преноши сайт Радио-телевизиї Войводини.
Нєшка почина приявйованє заинтересованих роботодавательох, а млади ше годни почац приявйовац од початку октобра.