РУСКИ КЕРЕСТУР – Всоботу, 23. мая, у керестурским Каритасу отримане Стретнуце виронаучних школярох за шицких цо маю виронауку у основней, лєбо штреднєй школи, як и за других заинтересованих.
Парох о. мр Михайло Малацко бешедовал на тему „Милосердиє Боже”, а потим була проєкция документарного филму о Торинским платну.
На тим пополадньовим стретнуцу було коло 20 школярох, найвецей з Керестура, алє и дасекльо школярох з Коцура.