ВЕРБАС/КУЛА/ЗОМБОР – У општинох Вербас, Кула и Зомбор озбильно ше анґажую же би ше нє загашело гайзибанску драгу Вербас-Зомбор, за цо найзаинтересованши путнїки – пише РТВ.
Спомнути локални самоуправи барз застарани же утаргованє тей гайзибанскей драги загрожи и фунцкионованє и так ослабеней привреди у тих општинох, та винаходза можлївосци же би ше ю нє гашело.
У тим напряме општини Вербас, Кула и (Город) Зомбор алармовали Покраїнски секретарият за транспорт и енерґетику, хтори им обецал финансийну помоц у случаю же би превжали старосц о управяню зоз спомнуту гайзибанску драгу, а Желєзнїци Сербиї им предлужели термин за вияшньованє о тим.
Найновше рационализованє мрежи гайзибанских драгох у Сербиї у велькей мири ше зводзи на преруцованє управяня з драгами, односно їх финансованє з боку локалних самоуправох. Друга можлївосц їх утаргованє, з чим облапени аж 800 километри драги, а єдна з нїх и Вербас-Зомбор, з чим путнїки барз нєзадовольни.