ВЕРБАС – Предсидатель Општини Вербас Братислав Кажич и директор манифестациї „Сербия у ритме Европи“ Иґор Карадаревич подписали контракт о уводзеню ИСО стандарду 9001 до локалней администрациї. То значи ушоренє процедурох и документациї, чийо запровадзованє будзе тирвац од три до шейсц мешаци.
– Єден з позитивних ефектох манифестациї „Сербия у ритме Европи“ и добрих одношеньох хтори витворели општина Вербас и Амбасада Републики Турскей, то уводзенє ИСО стандардизациї 9001, хтору будзе запровадзовац Евро-бизнис клуб Беоґрад – гварел Карадаревич.
Уводзенє ИСО стандардизациї будзе єдна з ґаранцийох потенциялним инвеститором же општина Вербас вигодна за дїлованє, наглашел Кажич после подписованя контракту.