БАЧКА ТОПОЛЯ – Наймладши столнотенисере керестурского Столнотенисерского клубу (СТ) „Русин” Елеонора Шомодї, Стефан Колошняї и Александар Шанта, шицки школяре другей класи ОШ, були успишни на турнире у Бачкей Тополї.
У конкуренциї змаганя по шейсц дзивчата и шейсцме хлапци, Елена Шомодї у своєй катеґориї була друга и освоєла стриберну медалю, Стефан Колошняї бул треци, и освоєл бронзову медалю, а по пропозицийох, бронзову медалю достал и Александар Шанта за освоєне штварте место.
Турнир орґанизовани з нагоди Дньох Бачкей Тополї, участвовали змагателє з вецей войводянских местох, а спомнути керестурски школяре и єдини у младшим возросту СТ „Русин”, дзе их тренира Драґан Ковачевич.