НОВИ САД – У петнастим тогорочним числу новинох „Руске слово” рубрика „Тижньовнїк” пише о упису першокласнїкох до керестурскей Основней школи „Петро Кузмяк”, а „Нашо места” о змаганьох наших школярох и о комуналних темох.
О польопривредних роботох у хотаре општини Шид, о сходу о приявйованю сезонских роботнїкох, як и о продукциї присмачкових рошлїнох у Дюрдьове пише у рубрики „Економия”.
„Култура и просвита” зазначела резултати з Медзиокружного змаганя зоз руского язика и язичней култури у Коцуре, ту и звит зоз керестурского „Бамби-фесту”, а дате и огляднуце на отримани Фестивал новей рускей народней шпиванки „Ружова заградка”.
На бокох рубрики „Людзе, роки, живот” нове предлуженє фельтону „Ґу 100-рочнїци од снованя РНПД-а”, як и написи о Оленки Живкович з Руского Керестура и дохторки Леони Иван з Дюрдьова.
„Духовни живот” зазначел вецей подїї – Вельконоцни вашар, преподаванє о. Кулича и стретнуце у Манастире шестрох СНМД у Керестуре.
„Спорт” пише о резултатох наших фодбалских клубох у своїх першенствених лиґох, резултатох младих столнотенисерох и рукометашох з Керестура, а дати и звит зоз Рочней схадзки Шаховского клуба „Омладинєц” з Коцура.
Додаток у тим чишлє „Дикица”.