ЕВРОПСКА УНИЯ/СЕРБИЯ – Европска уния обчекує же Сербия пошвидко будзе мац закон хтори будзе реґуловац финансованє Войводини, як цо и предвидзене з Уставом Сербиї, гварела за РТВ портпаролка Европскей комисиї Мая Коциянчич.
Вона визначела же Сербия ма право сама одредзиц уровень покраїнскей автономиї, алє додала же почитованє панованя правних актох єден з ключних условийох у процесу придружованю ґу ЕУ.
– Европска комисия у своїх рочних звитох на вецей заводи поволала же би ше принєсло таки закон. То сущне за напредованє у наших прегваркох о Поглавю 23, хторе ше занїма з правосудством и основнима правами – гварела Коциянчичова и додала же би ше требало радзиц з локалнима власцами о новим законодавстве.