ЖАБЕЛЬ/ДЮРДЬОВ – У Доме Здравя Жабель и єй амбулантох у местох општини од пондзелку, 24. октобра, мож достац безплатну вакцину процив сезонскей ґрипи.
И того року достати 500 дози, цо спрам дотерашнього искуства, достаточне за општинску и месни амбуланти, дознава Рутенпрес у Доме здравя Жабель.
Вакцину ше достава з налогом вибраного лїкара у здравственей установи дзе особа жиє.
Здравствена амбуланта у Дюрдьове достала 100 дози вакцини од ґрипи и за три днї ю прияли 10 жителє. Вакцину у Дюрдьове мож достац кажди роботни дзень у роботним чаше Амбуланти од 7 до 19 годзин.