ДЮРДЬОВ – Всоботу, 17. децембра, у КУД „Тарас Шевченко” у Дюрдьове, у орґанизациї младих з того Дружтва, отримани шести Литературни вечар младих, на хторим участвовали нашо млади творителє чийо литературни роботи уж обявйовани у „Литературним слове” и МАК-у, як и млади музичаре.
Свойо литературни твори представели Ивана Киш з Дюрдьова, Ася Папуґа з Руского Керестура и Саша Сабадош зоз Зомбора, приповедки авторки под псевдонимом „Маґда Копачова” пречитали Тамара и Валентина Салаґ з Дюрдьова, док Керестурец Себастиян Няради наступел прейґ авдио-знїмку.
З музичнима точками наступели Ана Радишич, Василиє Кочиш, Валентина Салаґ и Михаил Рамач з Дюрдьова, а по програми отворена два вистави – древених предметох украшених з декупаж технїку хтори виробени на креативних роботньох младих з дюрдьовского КУД и фотоґрафийох младей уметнїци Єлени Лазор з Коцура.
Програму водзели Ивана Киш и Даря Хромиш, а по програми ше млади дружели.
Орґанизованє Литературного вечару младих у Дюрдьове помогли Роботне цело за младеж Националного совиту Руснацох и Управни одбор КУД „Тарас Шевченко”.