ПЕТРОВАРАДИН – Завод за защиту памятнїкох култури Городу Нови Сад прешлого тижня почал обнавянє фасадох у подгородзе Петроварадинскей твердинї, а на основи условийох и мирох технїчней защити, хтори утвердзел Републични завод за защиту памятнїкох култури. Технїчну документацию пририхтал спомнути завод Нового Саду, хтори окончує и фахове надпатранє роботох.
У 2017. року плановане обновиц фасади на 21-им обєкту, за цо обезпечени 100 милиони динари, а обнова подрозумює цалосне ушорйованє очкодованих и деґрадованих фасадох, елементох на нїх, реставрованє-конзервованє старей ориґиналней столариї и єй фарбенє (заменьованє дзе облаки и дзвери цалком препадли), претресанє закрицох у зони улїчних фасадох, як и реставрованє явного ошвиценя з кованого желєза.
На основи явней набавки, роботи на перших шейсцох обєктох окончую „Орнамент инвестинженєринґ” и „Никович Компани” д.о.о. з Беоґраду, а роботи на тих перших обєктох би мали буц закончени за 50 календарски днї.
