БЕОҐРАД – Медзинародна наукова конференция „Виволаня на розкрижю културох: нови попатрунок на сербско-українски културно-историйни вязи” отримує ше у Беоґрадзе од 13. по 15. новембер, а у орґанизациї Филолоґийного факултета у Беоґрадзе, Києвского националного универзитета „Тарас Шевченко” и Института за класични студиї и славистику Ґданьского универзитета.
Конференция отворена у просторийох САНУ, стреду 13. новембра, а у пленарней часци участвовал и др Дюра Гарди. На конференциї участвую науковци зоз Сербиї, України, Польскей, Словацкей и Мадярскей, а медзи нїма у програми участвовали и др Борис Варґа, др Ана Римар Симунович и др Александер Мудри.