Клавирски рецитал др Дарка Варґу

автор Ол. Папуґа
369 Опатрене

БАЧКА ТОПОЛЯ – Пиянист др Дарко Варґа стреду, 28. Децембра, у святочней сали ОШ „Никола Тесла” у Бачкей Тополї одграл концерт на клавире на дїла Листа, Шопена и Бетовена. Преполна сала присутних уживала у перфектно одгратим клавирским рециталу яки ридко кеди мож чуц.

Др Дарко Варґа визначел же му тот концерт у школи, хтору закончел пред 22 роками велька спокуса и задовольство прето же на концерту була його учителька хтору нє видзел коло 25 роки, його професоре зоз основней школи, родичи, родзини и приятелє. После 11 рокох пребуваня у Америки у маю першираз пришол до Орахова и Тополї, та теди обецал же до конца того року знова придзе дому и одграє концерт своїм познатим.

Тот концерт бул окремни по тим же то Дарков перши концерт у месце дзе жил и дзе у основней музичней школи здобул перши зная граня на клавире. Таки концерт др Дарко Варґа штварток, 29. децембра одграл и у стреднєй музичней школи у Суботици, хтору закончел пред студираньом.

ПОВЯЗАНИ ТЕКСТИ