КОЦУР – По сообщеню зоз Основней школи „Братство єдинство” зоз Коцура, тота установа єдна з 20 школох у Сербиї котра вибрана у проєкту Телекома Сербиї зоз назву „Твориме знанє”.
Телеком Сербия, з потримовку Министерства просвити, седми рок запровадзує проєкт „Твориме знанє” през котри обезпечує 20 школом опрему за кабинети информатики.
Же би були єдни з добитнїкох средствох, шицким школяром, родичом, валалчаньом и шицким другим котри на тот способ жадали помогнуц було оможлївене гласанє котре тирвало од 25. септембра по 4. октобер.
Резултати гласаня обявени вчера по законченим гласаню, и спрам того, коцурска школа єдна з образовних установох котри достаню средства за опрему за кабинет информатики.