Конкурс за опрему видео-надпатрунку у стреднїх школох

автор В. Вуячич
157 Опатрене

НОВИ САД – Покраїнски секретарият за образованє, предписаня, управу и национални меншини ‒ национални заєднїци розписал Конкурс за финансованє и софинансованє набавки опреми – видео-надпатрунку у функциї промовованя и унапредзеня безпечносци школярох за установи штреднього образованя и воспитаня на териториї Автономней покраїни Войводини у 2024. року.

Єдна установа може поднєсц лєм єдну прияву на Конкурс хтора може виношиц максимално 2 милиони динари. Першенство у додзельованю средствох по Конкурсу, буду мац установи хтори доруча вияву же локална самоуправа на чиєй териториї установа ма шедзиско, найпознєйше по 30. юний 2025. року, будзе финансовац опреманє просториї за мониторинґ хтора ше будзе находзиц у просторийох локалней полицийскей станїци/оддзелєня (кед постої), або у другим одвитуюцим просторе, у складзе зоз законом.

Вимаганя за додзельованє средствох ше подноши на єдинственим формуларе Секретарияту (єдна установа подноши лєм єдну прияву). Комплетну конкурсну документацию мож превжац од 6. септембра 2024. року на сайту Секретарияту.

Вимаганя ше доручує по пошти на адресу: Покраїнски секретарият за образованє, предписаня, управу и национални меншини – национални заєднїци, Булевар Михайла Пупина 16, 21000 Нови Сад, з назначеньом назви Конкурсу, або особнє з придаваньом на писарнїцу покраїнских орґанох управи (на наведзену адресу) од 9 по 14 годзин. Прияви хтори доручени особнє або по пошти ше обовязно доручує и у електронскей форми у скенираним – ПДФ формату, прейґ апликациї Секретарияту http://185.166.125.155/konkursi/, з вибераньом одвитуюцого Явного конкурсу на хтори ше одноши приява.

ПОВЯЗАНИ ТЕКСТИ