НОВИ САД – На Филозофским факултету, Универзитет у Новим Садзе, на Оддзелєню за русинистику, вчера 12. юлия Наташа Перкович одбранєла мастерску роботу на тему „Розвой деклинациї меновнїкох у руским язику”.
Перковичова у роботи поровнала деклинацию меновнїкох у старославянским язику и сучасним руским язику. Хасновала дескриптивни модел и дала комплетну деклинацию меновнїкох хлопского, женского и стреднього роду цо до тераз нє поробене.
Значносц тей роботи и у тим же до тераз були два роботи о вокалскей и консонантскей системи зоз фонетики, а тота робота зоз морфолоґиї указує же єст роботи зоз историї язика од хторих настава историйна ґраматика руского язика.
Робота похвалєна и кед слово о стуктури роботи и технїчней ушореносци, як и хаснованє окремного фонта за старославянски.
Комисия у составе: проф. др Марина Курешевич зоз Оддзелєня за сербски язик и линґвистику, др Ана Римар Симунович и проф. др Михайло Фейса, хтори бул и ментор, єдногласно одлучели же кандидатка Наташа Перкович одбранєла мастер роботу и здобула званє мастер професор руского язика.
