БАЧКА ТОПОЛЯ – Талантовани млади пиянист др Дарко Варґа нєшка, 28. децембра у святочней сали ОШ „Никола Тесла” у Бачкей Тополї, а у сотруднїцтве зоз Музичну школу зоз Бачкей Тополї, на 18 годзин виведзе клавирски рецитал, а на програми буду виведзени дїла Скарлатия, Бетовена, Листа и Шопена.
Будзе то єдинствене дожице послухац нашого виртуоза хтори закончел докторски студиї клавира на Универзитету у Луизияни (Louisiana State University) у Зєдинєних америцких державох, а тераз жиє на Флориди.
Др Дарко Варґа познати и у нашей заєднїци кед ище як штредньошколєц и студент наступал на вецей културних подїйох.
Уход шлєбодни.