КОЦУР – У Основней школи „Братство єдинство” у Коцуре нєшка, 23. децембра, будзе отримани Новорочни вашар.
Шицки котри приду до Школи годни поопатрац, алє и купиц, рижни прикраски и инше цо школяре порихтали за наиходзаци новорочни и крачунски швета. И з тей нагоди у пририхтованю понукнуца за Новорочни вашар наймладшим помагали учительки, наставнїки, як и родичи.
Новорочни вашар будзе отримани у физкултурней сали з початком на 10 годзин.
Школяре и колектив Школи поволали шицких валалчанох же би их потримали и нащивели тогорочни Новорочни вашар.