ШИД – У Руским доме пияток, 17. новембра отримани Усни новини „Руского слова“ наволани „У фокусу нам Срим“.
Директор НВУ „Руске слово“ др Борис Варґа присутним представел Установу и єй виданя и активносоци, од новинох „Руске слово“, информативней аґенциї „Рутенпрес“, часописа „Заградка“, младежского часописа „МАК“ и часописа за науку, литературу, културу и уметносц „Шветлосц“ по видавательну дїялносц, сайт и Документацийни центер.
Новини, змист и рубрики представела главна и одвичательна редакторка „Руского слова“ Олена Планчак Сакач, одвичательна редакторка аґенциї „Рутенпрес“ Вероника Вуячич бешедовала о значеню и роботи спомнутей аґенциї, а дописователь зоз Сриму Владимир Дїтко бешедовал о информованю з рижних обласцох з того подруча.
Присутни тиж могли повесц кельо су задовольни зоз информаваньом з того подруча и дац предлклади и суґестиї.