РУСКИ КЕРЕСТУР – Тройо диджейове 18. авґуста наступя на лєтней журки „Ruthenbass” у Руским Керестуре, у орґанизациї Здруженя гражданох „Пакт Рутенорум” (Pakt Ruthenorum), чия пограма того року понукнє рижнородни жанри електронскей музики.
Пактовци после штирох рокох павзи предлужую традицию отримованя лєтних журкох на базену, а наступ потведзели тройо диджейове преважно drum & bass и techno музики – dj Endzi зоз Зренянину, новосадски dj Dozet и Керестурец dj Viktor Hexx. Дзепоєдни з нїх наступали на звучних фестивалских менох як цо „Exit”, „Green Love” и подобни.
Точне место на базену и час кеди журка почнє ище нє дефиновани, та подробнєйши информациї буду обявени у наиходзацим чаше, гваря з орґанизациї, а тото цо за тераз познате, то же ше уход на журку нє будзе наплацовац и же добра атмосфера заґарантована, наглашую орґанизаторе.